CASLANIA 2, Glossarium mediae et infimae latinitatis, Du Cange et al.

« 2 caslania » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 209b. http://ducange.enc.sorbonne.fr/CASLANIA2

2. CASLANIA, Præstatio, quæ a castelli incolis solvitur. Charta ann. 1146. inter Probat. tom. 2. Hist. Occit. col. 514 :

Caslaniam Arenarum, et fevum quod homines tenent per Caslaniam castri Arenarum, domini Uzeticæ de vicecomite habent.

Alia ann. 1307. in Reg. 44. Chartoph. reg. ch. 171 :

Item viginti septem gallinas cum dimidia, quas faciunt diversi homines dictæ parrochiæ domino regi de Caslania, pro decem et octo solidis et quatuor denariis annui et perpetui redditus.... Item tria sextaria et dimidiam quartam ordei, quæ faciebant diversi homines pro Caslania domino regi annis singulis, pro quibusdam possessionibus suis.

Rursum alia ann. 1321. in Reg. 61. ch. 318 :

Decem et octo sextaria ordei et Caslania annuatim, etc.

Alia denique ann. 1345. ex Reg. 75. ch. 280 :

Item pulveragium et Caslania, quod et quam dictus dominus dalphinus habet...... pro indiviso cum domino de Alesto...... Item pulveragium et Caslania, quod et quæ fuerant assignata dicto dalphino, etc.

Ubi perperam legitur Caflania. Neque alio sensu intelligenda vox Chaslania. Vide in Castellum 1.

P. Carpentier, 1766.

Castlania, ut Castellania. Testam. Roger. I. comit. Carcass. ann. circ. 1002. inter Probat. tom. 2. Hist. Occit. col. 160 :

Et ipso castello, quem dicunt Sexago, cum ipsa Castlania, et cum ipsas vigarias, quæ ad ipsum castellum pertinent, etc.

Occurrit rursum non semel in Ch. ann. 1126. ibid. col. 431.

les Bénédictins de St. Maur, 1733–1736.

Caslarius, Eodem intellectu. Charta G. Abb. Aureliac. ann. 1217 :

Feci conventionem cum domino Comite Delphino... de Caslario de Dausat, qui est jure alodii et feudi B. Geraldi. Nam dictus Comes dedit pro salute animæ suæ et prædecessorum suorum duos sestarios et unam eminam avenæ, quos habebant censuales in Caslario et in apertinentiis dicti Caslari Ecclesiæ del Dausat... Dominus vero Comes et sui hæredes habent in feudum ab Abbate Aureliacensi quidquid habent in prædicto Caslario intra tales metas ab ulmo veteri, etc.

Castellaria, Idem quod Castellania, Chastellerie, in Charta ann. 1287. in Probat. Hist. Castilion. pag. 90. et alia apud Haræum lib. 1. Hist. Castell. Insul. pag. 137. Lambertus Ardensis pag. 253 :

Henrico de Balliolo, ad cujus nutum Broburgensis tunc temporis disponebatur Castellaria.

Charta ann. 1165. tom. 13. Spicilegii Acheriani pag. 319 :

In alodio suo et Castellaria, id est, termino ejusdem castri.

Tabularium S. Florentii :

Nobilis vir Hervæus de Vitriaco donavit Deo et S. Florentio pedagium de rebus ipsius Sancti quæ transibunt per castrum Vitriacum sive per Castellariam ejusdem castri.

Notitia de casa vicecom. in Pictonibus circa ann. 1110. post Irminon. pag. 377. MS. :

N'i a Conté ne Baronie,
Ne Chastel, ne Chastellerie,
Que Guillaume ne n'ait donné.

P. Carpentier, 1766.

◊ Castellerie, Feudum castellarii et ejusdem officium. Charta ann. 1208. in Chartul. 23. Corb. :

Jou ay vendu et escangié....... toutes les justices,....... et toutes les services, ....... qui appartiennent à la Castellerie devandite, en toutes issues et en tous pourfis, qui issir et qui eschair et venir y poent.

Concil. Petri de Fontan. cap. 1 :

Pour ce ke les coustumes sunt preske corrumpues, et moult se renversent par les Casteleries.

Ubi legendum videtur Cauteleries, Judiciorum anfractus, Gall. Chicanes. Vide in Castellum 1.

les Bénédictins de St. Maur, 1733–1736.

Castelria, Eadem notione, apud Marten. tom. 4. Ampliss. Collect. col. 1278.

Castellatus, Castellaniæ districtus. Domesdei :

Comes Alanus habet in suo Castellatu 200. maneria, ... præter castellarium habet 43. maneria.

les Bénédictins de St. Maur, 1733–1736.

Castellarium, Eadem notione. Charta Thomæ Perticensis ann. 1214. apud Marten. tom. 1. Ampliss. Collect. col. 117 :

Mitites nostri de Castellario Beilimensi talliam de feodis suis et hominibus suis nobis debent tantummodo feodaliter pro his quatuor rebus, quæ sequuntur. Pro prima militia nostra, pro prima captione nostra de guerra, pro militia filii nostri primogeniti viventis, et pro prima filia nostra maritanda. Præter has tallias nec a militum feodis, nec ab eorum hominibus talias possumus feodaliter extorquere.