« »
 
[]« Cassidile » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 206b. http://ducange.enc.sorbonne.fr/CASSIDILE
CASSIDILE, vel Cassidilis. Ugutio : Cassidilis, vel Cassidile, dicitur sacculum, pera, sarciperium, ficacium, marsupium, moculus, loculus, crumena. Papias : Cassidilis, pera pastoralis. Isidor. Gloss. Cassidilis, pera, marsupium. Wil. Brito :
Cassidile dicitur pera Aucupis in modum reticuli facta, in quo ponit quot in casse, id est, rete, cepit.
Ita etiam Joannes de Janua. Glossar. ex cod. reg. 7684 : Cassidile, escherpe, ou sachet fait de roiz. Odorannus ann. 1031 :
Protulit auri fulvi transmissum munus de Cassidile.
Matth. Westmon. Portans in Cassidile toxicum mellitum. Conradus de Fabaria de Casibus S. Galli cap. 5. Pertz. vol. Scriptor. 2. pag. 167.
O mira in juvene Principe Mercurii philologia, quæ sparso rubore juvenili promulgavit eloquia cordis dudum instincta Cassidili
 ; id est, ut Walfridus loquitur de sancto Gallo lib. 1. cap. 23 :
Altæ memoriæ et armario cordis inseruit.
Vetus Interpres Tobiæ capite 8 :
Protulit de Cassidili suo partem jecoris.
Vide Martin. in hac voce. Matthæus Vindocinensis in Tobia :
Cassidili profert auxiliare jecur.
Capsidile. Glossæ MSS. : Capsidile, est Capsa, vel pera. Ita scribitur non semel apud Petrum Damianum lib. 4. Epist. ult. lib. 7. Epist. 5. lib. 8. Ep. 14. quasi a capsa deducatur. Gloss. Lat. Gall. Casidilis, Cassete. Pera aucupis. Ecbasis vers. 333. de Esau :
Ille sagitta doctus erat, gravidaque faretra,
Portabat cornu, fuerat qui doctus in arcu,
Capsidile suo gestabat in inguine dextro.
P. Carpentier, 1766.
Cassidulus, Idem quod Cassidile, Sacculus, vagina. Acta Mss. Inquisit. Carcass. ann. 1308. fol. 66. r° :
Dedit mihi unum cutellum satis pulcrum de Parma, quem abstraxi de quodam Cassidulo.
Et fol. v° :
Quilibet nostrum habuit in mensa sua manutergia, quæ ipsi portabant in Cassidulis suis.
© École des chartes.