Castellarius, Ugutioni, Dominus castri, vel qui præest castris. Seherus Abbas de primordiis Monasterii Calmosiac. apud Edm. Marten. tom. 3. Anecdot. col. 1172. A. :

Eidem Vicario Ecclesiam omnimodis abstulerunt, et cuidam Castellario suo, nomine Walfrido protinus tradiderunt.

In veteri Inscriptione apud Gruterum pag. 601. n. 7. sumitur pro eo qui præest aquæductibus :

Clementi Cæsarum servo Castellario aquæ Claudiæ.

Vide Frontinum de Aquæductibus.

Castlanus. Usatici Barcinonenses MSS. cap. 26 :

Castlani in castris quæ tenuerint per seniores suos, non debent sub se mittere alios Castlanos sine consensu senioris, etc.

De Castlanis Hispanicis multa habet Andreas Boschus lib. 2. dels Titols de honor de Catalaunia cap. 24. § 7.

Caslanus. Charta anni 1157. ex Archivo Ecclesiæ Massil. :

Concedo jus Caslanorum et ipsa Caslania, etc.

Subcastlanus, Qui vices Castellani agit. Consuetudines Catalaniæ inter dominos et vassallos MSS. cap. 56 :

Si aliqui Subcastlani sint in aliquo castro, licet Castellanus fecerit homagium domino majori, item potest petere dominus major a Subcastlanis, ut faciant sibi homagium fidelitatis.

Castellanicus, Ad castellani dignitatem pertinens. Charta Ludov. VI. reg. Franc. ann. 1121. in Append. tom. 6. Annal. Bened. pag. 636. col. 1 :

Ad honorem autem et exaltationem ipsius monasterii, ipsum regia nostra munificentia omnibus, tam aliis Castellanicis quam baronicalibus insigniis, juribus et prærogativis in perpetuum dotamus et insignimus.