CATABOLUM, Glossarium mediae et infimae latinitatis, Du Cange et al.

« Catabolum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 216b. http://ducange.enc.sorbonne.fr/CATABOLUM

CATABOLUM, Gr. Κοταϐολή, Solutio, præstatio ; verbum Juris. Gloss. Gr. Lat. : Καταϐολή ἡ ἀπόδοσις, solutio, pensio. Gesta Dagoberti Regis cap. 18 :

De proprio teloneo, quod ei annis singulis ex Massilia solvebatur, centum solidos in luminaribus ejusdem Ecclesiæ eo tenore concessit, ut oleum exinde Actores Regii, secundum quod ordo Cataboli esset, quasi ad opus Regis studiose emerent, et sic demum missis ipsius loci annuatim traderent.

Charta ipsa Dagoberti, vel potius Chlodovei III. apud Mabillonium tom. 4. Actor. Ord. S. Bened. pag. 618. 622. :

Juxta quod ordo Cadaboli fuerit.

Catabolum, Catablum, Græcis recentioribus ϰατάϐολον Navale dicitur seu emporium, oppidum maritimum : forte quod in navalibus portoria et tributa pro mercibus invehendis et invectis penderentur. Ita Scholiastes Thucyd. et Suidas verbo ἐπίνειον. Egica Rex Goth. Hispan. in Concilio Toletano XVI :

Nemo ex eisdem Judæis in perfidiam durantibus, ad Catablum pro quibuslibet negotiis peragendis accedat, nec quodcunque cum Christianis commercium agere audeat.

Jos. de Aguirre in hunc ipsum locum, Catablum exponit Prætorium ubi causæ aguntur. At magis placet interpretatio Cangiana. Καταϐολίου loci, ita forte propter portum dicti, in urbe CP. meminit Cedrenus pag. 476.