CATABUSTA. Adamnanus in Vita S. Columbæ Abbatis tom. 2. SS. Junii pag. 235 :

Beati Patroni venerabile corpus, mundis involutum sindonibus, et præparata positum in Catabusta, debita humatur cum veneratione. Ratabusta,

(quod f. legitur in MS.) pro Sandapila necdum alibi repertum est, inquit Bollandi Continuator : quamobrem addit : Non recte forsitan scripta vox, legendumque Catabusta, sicut Italice eadem in significatione dicitur Cataletto ; et pegma funebre faculis multis instructum, Catafalco. Addam ad confirmandam eruditi Scriptoris conjecturam fortassis scriptum fuisse Katabusta, pro quo Ratabusta legi potuerit quam facillime.