CATAPLUS, ϰατάπλους, Classis appulsus ad portum, ac præsertim mercatorum. Isidor. in Gloss. : Cataplus, adventus navis. Gloss. MS. Reg. : Adventus, Navigium, Cataplus. Alibi, ut et Ugutio : Cataplus, Adventus navium, maxime in eum portum unde exierant ut observat Salmasius de Modo usurar. pag. 357. Ita vocem hanc usurpant Martialis lib. 2. Epigr. 75. Vindicianus Archiater, Ausonius in Narbone, Ulpianus in leg. 4. D. de Offic. Procons. (1, 16.) Sidonius lib. 6. Epist. 8. lib. 7. Epist. 7. etc. Vide Casaubon. ad Sueton. in Aug. cap. 97. At Gregorius Turon. lib. 4. Hist. cap. 38. Cataplum videtur appellasse portum ipsum, ad quem naves mercatoriæ appellunt :

lgitur advenientibus ad Cataplum Massiliensium navibus transmarinis, Vigilii Archidiaconi homines 70. vasa, quæ vulgo Orcas vocant, olei liquaminis furati sunt, nesciente domino.