CATEGORARE, Categorizare. Jo. de Janua : Categorare, signare, vel prædicare, unde Categorizo, eodem sensu. Categorizare, Prædicare, in Gloss. MS. Regio Cod. 1701. Fridegodus de Vita S. Wilfridi cap. 22 :

Categorans ergo divinum sperma popello, etc.

Vita S. Pauli Narbon. :

Populis Categorizans, etc.

Dudo lib. 3. de Act. Normannor. :

Sed mirum mihi quid super hoc characterizabunt Dialectici, qui cum accidens Æthiopique Categorizant inseparabile esse, hic mutatum videtur.

Arnoldus Lubec. lib. 4. cap. 23 :

Canonizari præcepit, ut ejus corpus de sepulcro levatum inter memorias veneretur Sanctorum, ipsumque sacrosancta Categorizet Ecclesia, etc.