CATHARI, Glossarium mediae et infimae latinitatis, Du Cange et al.

« Cathari » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 225b. http://ducange.enc.sorbonne.fr/CATHARI

CATHARI, Hæretici Novatiani, qui, ut

ait Prosper Aquitanus in Chronico, et Isidorus lib. 8. Orig. cap. 5. et ex eo Ebrardus lib. contra Valdenses, propter munditiam ita se se nominaverunt :

gloriantes enim de suis meritis, negabant pœnitentibus veniam peccatorum, viduas si nuberent, tanquam adulteras damnabant, et mundiores aliis se prædicabant.

Eadem habet Augustinus lib. de Hæres. num. 38. Adde Commonitorium Theophili Patriarch. Alexandr. cap. 8. et Consultat. Zachæi lib. 2. cap. 17.

Cathari etiam postmodum dicti Valdensium sectatores, qui divisi erant in tres sectas principales, Albanensium, Concorezensium, et Bagnolensium. De his multa habent Rainerus lib. contra Valdens. cap. 6. et Bonacursus lib. de Vita Hæreticorum initio. Eosdem cum Chazaris fuisse contendit Gretzerus in Prolegomenis ad Script. contra Sectam Valdensium cap. 2. putatque Germanicam ese vocem, ex iis quæ habet Ecbertus Schonaugiensis in Sermonibus adversus Catharos :

Hos, inquit, Germania nostra Catharos, Flandria

Piphles, Gallia Texerant, ab usu texendi appellat. Unde elicit a voce Kanzer, et ut alii crassius efferunt, Kazer dictos, T. mutato in Z. more Germanis solenni : proindeque Catharos eosdem esse, qui Chazari appellati sunt.

◊ Aliter censet vir doctissimus Godefridus Henschenius ad vitam S. Galdini Cardinalis, qui ita appellatos opinatur propter nocturnas coitiones, a voce Germanica Caters, id est, feles seu lemures, vel ex obsoleta jam, et ab Otfrido usurpata voce Quaten, et Quetten, garrire, factum esse nomen, quod hodie omnibus in Belgio et Germania hæreticis commune manet, ut Ketters dicantur. Vetus Epitaphium Mediolani :

Atria qui gradis solii regalia scandis,
Civis Laudensis fidei tutoris et ensis,
Præsidis hæc memores Oldradi semper honores,
Qui solius struxit, Catharos ut debuit ussit.

Versus scripti a S. Thoma Aquinate de sancto Petro Martyre :

Et verbi gladius gladio cecidit Catharorum.

◊ Horum meminerunt præterea Concilium Lateranense an. 1179. can. 27. Godefridus Monac. S. Pantal. ann. 1163. Monachus S. Mariani Autissiodor. an. 1180. Cæsarius lib. 5. cap. 19. Vita S. Galdini Archiepisc. Mediolanens. apud Montbritium, Ludovicus X. Franc. Rex apud de Lauriere tom. 1. Ordinat. pag. 611. n. 5. etc.