CATHEGETA, Cathigeta, Doctor, præceptor, ex Græc. ϰαθηγητής. Gloss. Lat. Gr. : Doctor, διδάσϰαλος ϰαὶ ϰαθηγητής Glos. Gr. MS. Reg. Cod. 1673. : Καθηγητής, ἡγούμενος, διδάσϰαλος. Papias : Catigeta, Rector, Doctor. Βασιλέως ϰαθηγητής, apud Theophylactum Bulgar. Archiep. in Institutione Regia 1. part. cap. 2. qui βαΐουλος, seu Imperatoris Magister Codino, et aliis. Anonymus in Vita S. Hieronymi :

Huic vero in litterarum studiis plerique Cathegetæ, id est, præceptores fuerunt, Donatus nempe, etc.

Althelmus in Monosticis :

Vita aliena tuæ tibi sit Cathegeta vitæ.

Acta S. Artemæ Martyr. :

Dum Cathigeta ipsius secundum artem magisterii... ad sæcularium litterarum dogmata illum introduceret.

Occurrit præterea in Actis S. Theodori Ducis. Vide notas nostras ad Cinnamum pag. 460. et Glossarium mediæ Græcit. ubi dicitur vocem ϰαθηγητής plerumque a Scriptoribus Græcis accipi pro ἡγούμενος, Præfectus monasterii.