CATHOLICIANI, Officiales Catholicorum, de quibus mox, in lege 9. § 2. C. de Bonis proscript. (9, 49.) ubi junguntur cum Cæsarianis. Glossæ Basil. : Ῥατιοναλίους, τοὺς μαγϰίπας τοὺς αὐτοὺς ϰαί ϰαθολιϰιανοὺς ϰαὶ σιτώνας, ϰαθ᾽ Ἕλληνας. Hinc forte pro Spiculatoribus vocem usurpavit Sueno in Hist. Danica cap. 7 :

Quem illico Catholiciani corripientes, caput ejus amputarunt.

Infra :

Qui dolum commentatus, pacis fideique integritate violata, tempore serotino, post vesperas celebratas, instructis Catholicianis, Kanuto et Waldemaro mortem machinatur.