5. CATHOLICUS, Christianus, vir probatæ fidei, integer vitæ. Chartul. S. Magl. Paris. ch. 1 :

Hæc omnia supradicta, vel quæ deinceps a Catholicis viris eidem conlata fuerint ecclesiæ.... confirmamus.

Charta ann. 1319. ibid. ch. 58 :

Concedimus parochianis dictæ ecclesiæ, quod aliqui dictorum parochianorum fideles et Catholici ab eisdem parochianis deputandi, colligant et percipiant elemosinas et legata quæcumque, quæ fient fabricæ ejusdem ecclesiæ convertenda circa refectionem ipsius ecclesiæ.

Libert. Montisol. ann. 1312. tom. 7. Ordinat. reg. Franc. pag. 501. art. 12 :

Quod quilibet de populo filias suas cuilibet Catholico valeat maritare.

Itali Cattolico, eadem acceptione, usurpant.