« »
 
[]« 2 cauda » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 235b. http://ducange.enc.sorbonne.fr/CAUDA2
2. CAUDA, Famulitium, obsequium : nos vulgo dicimus, Une queue de valets. Vita Amedei Rossilionei Episc. Valentini :
Caudam famulorum inutilem, et omnem pompositatem a se abjiciens.
Statuta Ecclesiæ Andegav. ann. 1425. apud Edm. Marten. tom. 4. Anecdot. col. 528. B :
Ne quis Religiosus, Presbyter, aut alius Ecclesiasticus et sæcularis in Cauda et alia domo mulierem suspectam seu focariam tenere seu habere præsumat.
Caudæ Chartarum, Pergameni pars resecta, cui bullæ cereæ ac sigilla aptantur. Joan. Hocsemius in Adolpho a Marka Episcopo Leod. cap. 17 :
Cum crine quodam liquore peruncto sigillum inter ceram secabat, et chartam, et tunc Caudæ Litteræ sigilli partes applicans, ab una parte liquescentes igniculo rejungebat.
Vitæ Abbatum S. Albani :
Apposita Cauda et cera sigillavit illud.
Et ante :
Chartas adulterinas et ad voluntatem suam conscriptas et Caudatas apposita cera calefacta... sub manica sigillabat.
Vide Spicileg. Acher. tom. 10. pag. 309. Charta ann. 1157. num. 297. ap. Schœpflin. in Alsat. Diplom. vol. 1. pag. 246 :
Ne autem quis temerarius hanc kartam proterva cogitatione præsumat mutare vel violare, sigilli nostri impressione et quibusdam Caudatis Literis eam adsignavimus summitatibus earum, ut summotenus cernitur, obmutilatis, reservandam utrisque partibus.
Eadem in alia charta ann. 1159. ibid. num. 300. pag. 248.
Cauda Vini, Vas vinarium, Queue de vin. Charta Guill. de Melloto Domini S. Prisci prope Autissiod...
Noverint universi,[] quod carissimus pater meus... dedit in perpetuam eleemosynam Sanctimonialibus de Crisenone quolibet anno novem bicheta frumenti et unam Caudam vini, etc.
Computum Thesauri a 1. Jan. 1312 :
Richardus de Archemino Lombardus pro 16. sextariis cum dimidio de garnachia captis ab eo per Nicolaum de Cabour Scancionem Regis pro reimplenda quadam Cauda vini de garnachia, quæ erat Parisiis, etc.
Consuetudo Claromontensis art. 232 :
Et faut trois muids de vin pour un tonneau, qui se nomme communément Demy-queue.
Vide Burgundica Perardi pag. 535. et Anecdota Martenii tom. 3. col. 1304. Occurrit in Spicilegio Fontanell. MS. pag. 405. in Litteris Officialis Paris. ann. 1324. e Chartulario Parthenonis Montis Martyrum, in Tabulario Calensi pag. 315. inter Instrum. Historiæ Meld. tom. 2. pag. 236. 237. etc.
Cauda Retornativa, Soricina. Ita pulsum quemdam appellant Medici. Magister Ægidius Corboliensis de Pulsibus :
Cauda retornativa primo mollescit in ictum,
In reliquo languet, fit tertia motio lenis,
Indicio sensus se quarta magis manifestat, etc.
Ubi Gentilis de Fulgineo :
Est igitur pulsus Cauda retornativa, quasi ab occultis, et quasi ab insensibilibus percussionibus incipiens paulatim graduali tramite secundum ordinatum modum majorando procedit de minimis ad parvas, de parvis ad aliquantulum apertas, et de aliquantulum apertis ad magis manifestas, et ita continuatim et ordinatim procedit, quousque se recipiat in fortes motiones. Dicitur autem hic pulsus Cauda retornativa, Cauda soricina : quia sicut Cauda soricis in finali extremitate, quæ ab animali corpore remotior est, incipit a nimia gracilitate, et continuatim procedit secundum grossitudinem et majoritatem corpulentiæ, quousque attingat corpus animalis ; sic et iste pulsus ratione similitudinis majorando procedit paulatim de debilibus ad minus debiles, et de minus debilibus ad aliquantulum fortes, de fortibus ad fortiores percussiones.
© École des chartes.