1. CAUSA, Morbus, Ita non semel apud Marcellum Empiricum. In Causa esse, pro νοσεῖν eidem cap. 7 :

Locus qui in Causa est, ὁ πεπονθώς.

Gariopontus lib. 3. Passion. cap. 4 :

Omnes Causæ vesicæ ex renum indignatione fiunt, etc.

Ita lib. 4. cap. 6. 7. 17. lib. 5. cap. 1. 2. 5 :

Sontica Causa,

apud Festum et Tibullum lib. 1. morbus sonticus. Vide Salmasium ad Spartianum pag. 20. Hinc Causarios dictos vult ægrotos, egenos, facultatibus lapsos eid. Spartiano :

Omnes Causarios liberalitatibus sublevavit.

Vindicianus Archiater,

Progressum a balneo potavi, ne quid Causationis in Corpusculo ejus maneret.