CAUSSUM, Idem videtur quod Cautum, quomodo etiam forte legendum est, locus defensus, immunitas. Libert. S. Anton. in Ruthen. ann. 1369. tom. 6. Ordinat. reg. Franc. pag. 503. art. 6 :

Territorium dicti domini regis Franciæ, vocatum lo Causse de Querci... Dantes insuper licentiam et authoritatem consulibus prædictis... dictum Caussum seu territorium explectandi, usufruendi, utendi ad suam libitam et plenariam potestatem et voluntatem,.. Tenentiarii seu feudatarii, quibus dictum territorium seu Caussum dicti consules ad censum ac in feudum in totum vel in parte tradiderint, etc.

Vide Causum et Cautum 2.