« »
 
[]« Caya » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 245b. http://ducange.enc.sorbonne.fr/CAYA
CAYA, Domus. Maison, Chaiz, ou Ouvroirs, in Consuetudine Bayonensi tit. 7. art. 22. 30. 32. Willelmus Thorn. in Chron. ann. 1285 :
Sedata est discordia quæ mota fuerat inter... de quadam Caya et domo ædificata in quodam prato.
Occurrit iterum eadem notione sub ann. 1286.
P. Carpentier, 1766.
◊ Cella vinaria, officina, Gall. Cellier, boutique.
Chaia, idem sonat quod Caya, in Regesto Constabulariæ Burdegalensis fol. 131 :
Quilibet habitator villæ de Liborne habens unum solerium ad mensuram dictæ villæ, debet 12. denar. de sporta, et quilibet habens unam Chaiam ad mensuram dictæ villæ, habens 8. brassas cum dimidia in amplum et in longum 12. debent decem sol. 8. den. de sporta.
Fol. 39 :
In careria de Rosella, inter domum seu Cayum Petri Burdegala de sancta Liurada ex parte una, et domum, seu Cayum Petri Arnaldi, etc.
Occurrit ibi pluries in hac significatione. Chay, Occitanis caveam, seu cellam vinariam sonat.
Cayum, in Charta Walteri Episcopi Coventrensis in Monast. Anglic. tom. 3. pag. 231.
P. Carpentier, 1766.
◊ Reg. Cam. Comput. sign. JJ. rub. ad ann. 1273. fol. 2. v°. :
Item dixit quod tenet a dicto vicecomite domum et Cayum de podio Renardi, cum tribus denariis census.
P. Carpentier, 1766.
Chayum, Eodem sensu. Charta ann. 1349. in Reg. 78. Chartoph. reg. ch. 273 :
Item unum denarium Turon. quem dat et servit... Petrus de Furgis pro quodam Chayo, situato a la Teularia, quod tenet in feudum a dicto hospitio.
Ubi semel et iterum minus bene Claium habetur. Charta ann. 1329. in Reg. 66. ch. 731 :
Quamdam domum et quoddam Chay..... valoris 300. lib. Turon.
Alia ann. 1343. ex Reg. 75. ch. 227 :
Quæ quidem hospitia erant tunc in parte constructa de muro cum uno Chay, in quo quidem Chay possent tunc reponi quinquaginta tonelli vini.
Sed et pro Taberna occurrit, in Lit. ann. 1404. ex Tabul. archiep. Auxit. :
Tabernas, vulgariter vocatas Chays.
Unde
P. Carpentier, 1766.
Chayerius, Tabernarius, caupo, in iisd. Lit :
Dum tamen Chayerii seu venditores vinorum, etc.
Cay, hodie appellamus aream in littore onerandarum atque exonerandarum navium causa, e compactis tabulis trabibusque firmatam, ac desuper tectam, instar domus, unde ejusmodi areæ appellationem obtinuere, vocabulo, non a Saxonico cæg, clavis, uti vult Spelmannus, vel a caiare, uti Scaliger ad Auson. lib. 2. cap. 22. sed a Cambro-Britannico Cae desumpto, quod sepem et claustrum sonat, ut Caed, opertorium, clausus, Caeor, caula, ut auctor est Boxhornius in Orig. Gall. Ita vocem
Ceage, interpretantur Evidentiæ Ecclesiæ Christi Cantuar. :
Mansionem quoque... et clausulam quod Angli dicunt Ceage, quæ pertinet ad prædictam mansionem.
Ubi Ceage videtur esse Cayæ procinctus. Inde etiam
Caiagium, pro vectigali ex fluviorum [] portubus, quos Cays et Havres vocat Consuetudo Normanniæ art. 581. Charta Radulfi Decani Ambian. ann. 1167. in Chartul. Eccl. Ambian. :
Reditus, quem vulgo Caiagium appellant.
Charta Philippi Regis Fr. ann. 1309. pro mercatoribus Lusitanis, in 2. Regesto ejusd. Regis ex Tabular. Regio num. 172 :
Item essayum nostrum dictæ villæ parabitur et ponetur in tali statu, quod dicti mercatores absque solutione Caagii poterunt suas denariatas et mercaturas bono modo onerare et exonerare de die et de nocte.
Caharie, Vox ejusd. ni fallor, originis, in Usaticis MSS. Vicecomitatus Aquarum Rotomagi :
Une coustume est que l'en appelle la Caharie, que pour une somme de œufs, et de poullaiges, et d'oiseaulx, de fourmaiges, et d'aigneaux, et de quevreaulx, et de tiulx choses venant par eauë à Rouën, l'en paie un denier.
P. Carpentier, 1766.
◊ Caenne, eadem notione, usurpari videtur, in Lit. remiss. ann. 1378. ex Reg. 113. Chartoph. reg. ch. 214 :
Iceulx Flamens marchans ne povoit venir au hable, qui estoient closes et aussi pour cause du guet, qui estoit sur les murs et sur les Caennes.
P. Carpentier, 1766.
◊ Caage, nostris. Charta ann. 1339. in Reg. 73. Chartoph. reg. ch. 245.
Il puissent faire recharger leur denrées sans payer pour ce costume, ne nulle nouvelle imposition, fors tant seulement le Caage du lieu, ou il les chargeront.
Arest. ann. 1391. 16. Jul. in vol. 8. arestor. parlam. Paris. :
Roberto de S. Blimonte collectori subsidii, nuncupati Cainage, pro reparationibus necessariis ad alveum ripariæ Summæ, etc.
Ubi legendum esse Caiaage mihi omnino videtur, ut et tom. 3. Ordinat. reg. Franc. pag. 576. art. 11. Queage, in Chartul. S. Vandreg. tom. 1. pag. 581.
© École des chartes.