CAZALIA, Alicujus adoptio in familiam, ab Ital. Casata, domus, familia, ut videtur. Stat. Vercel. lib. 3. pag. 95. v°. :

Inprimis statutum est, quod nulla persona, commune et collegium vel universitas audeat vel præsumat palam vel privatim mittere seu portare, aut portari facere aliquod donum vel aliquid loco doni ad aliquas nuptias, Cazalias vel revertalias ;... et intelligatur donum prohibitum esse missum, quod mitteret per xv. dies ante et quindecim post ipsas nuptias, Cazalias et revertalias ; et quilibet possit accusare et habeat medietatem pœnæ.

Vide supra Casalis 1.