CAZZAGAZARO, vox Ferrariensis dialecti, qua Cazaro, pro Cattaro, dicebatur : Itali pronunciarent Caccia Cattaro ; quo titulo utebantur hi, qui Catharos seu eorum sectarios insectabantur ex officio, uti notat Murator. ad Examen testium ab ann. 1270. tom. 5. Antiq. Ital. med. ævi col. 124 :

Dominus Henricus, qui erat officialis inquisitoris in 1270. die iij. exeunte Novembri juratus dicit, etc.

Et col. 127 :

Dominus Nicolaus...... juratus dicit, quod modo sunt octo anni vel circa, quod ipse testis erat officialis inquisitoris et Cazzagazaro pro ecclesia Veronæ.