CELORIA, Celoyra, Aratrum, Gall. Charue, ut videtur. Lignamen ad opus carreum et Celoriæ, in Stat. Vercel. lib. 3. pag. 101. v°. Stat. Avellæ ann. 1496. cap. 41. ex Cod. reg. 4624 :

Quælibet persona... quæ habuerit, tenuerit seu fecerit laborerium in Avilliana vel finibus, et quæ ibidem boves seu Celoyram et Celoyras tenuerit causa laborandi et laborerium faciendi, teneatur et debeat dare et solvere singulis annis in messibus..... campariis,... pro quolibet pari boum et pro qualibet Celoyra,..... unam gerbam competentem.

Et cap. 146 :

Si alicui bubulco vel conducenti boves cum plaustro, vel laboranti terram alicubi, contingat quod ruperit aysale,.... vel Celoyra de aliquo apiglo ejus plaustri vel Celoyræ, possit... capere... ad dictum suum plaustrum et dictam suam Celoyram seu apiglum ejus vel eorum aptandum vel aptandam, licite et sine pœna.

Occurrit rursum ibid. cap. 202.