CEROCENSUS, Census ex Cera : Cerocensuales qui Censum ceræ Ecclesiis ex debito præstant : Cerarii, de quibus supra. Synodus Coloniensis ann. 1300. cap. 21 :

Item præcipimus ut universi Ecclesiarum Rectores omnes Cerocensuales Ecclesiarum et Ecclesiasticarum personarum, quocunque nomine censeantur, qui Cerocensum debitum subtrahunt et non solvunt, et qui dictum Cerocensum hactenus non solverunt, quod de subtractis satisfaciant intra mensem, et deinceps debitis temporibus statutis persolvant dictum Cerocensum, ut tenentur.

Vide Candela 3.