CHAPOTENSIS, Glossarium mediae et infimae latinitatis, Du Cange et al.

« Chapotensis moneta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 286c. http://ducange.enc.sorbonne.fr/CHAPOTENSIS

CHAPOTENSIS Moneta. Charta Constantiæ Comitissæ Bigorræ anni 1287. in Regesto Constabulariæ Burdegalensis fol. 209 :

Recepisse in bona pecunia numerata duo milia librarum Chapetens. bonorum legalium a Magistro Willelmo de Luda Thesaurario Regis Angliæ.

Infra :

Mille libras Chapot. bonorum et legalium.

Fol. 210. b :

Quingentas libras Chapet. bonorum et legalium.

Fol. 219. Chapot scribitur ut et f. 215. Aliud vetus Regestum sub ann. 1303 :

In diœcesi Burdegal. currunt Burdegalenses. In diœcesi Petragor. currunt Engol. et Marchenses. In Ageno currunt Arnald. Chapot. et Petragoric.

Charta ann. 1314. in 50. Regesto Tabularii Regis Charta 49 :

Valorem annuum mille quingentarum librarum bonorum Chapotensium rendualium extimandorum, prout in diœcesi Burdigalensi reditus extimantur, etc. Libræ de Chapotois,

in Arestis Candelosæ 1250. in Regesto Parlam. B. fol. 88. Nescio an nummi isti Chapotenses fuerint ii quos Chatos vocabant, uti infra annotamus : ita ut vox sic conflata fuerit quasi Chati Pictavenses, id est, vernacule, Chats de Poitou, qui apud Pictones potissimum cudebantur. Sed videant eruditiores an hæc conjectura admitti possit. Vide supra Chapes.

Chipotenses, in Charta ann. 1301. Regesti Philippi Pulcri Regis Franc. ann. 1301. num. 85. ex Tabulario Regio :

Videlicet Podium Castri Normandi pro 263. libris, et 10. libris Chipotensibus valent ducentas decem libras et 16. solid. Turon.

Ita ibi non semel, et in alia ann. 1312. in alio Regesto ejusdem Regis ann. 1310. Ch. 232. Litteræ Edwardi II. Angl. Regis apud Rymerum tom. 3. pag. 359 :

Cum celebris memoriæ,.. Pater noster concessisset Comiti de Audoigne ducentas libras Chipotensium percipiendas per annum..... de quibus dictus comes nondum recepit nisi 200. lib. Chipotensium, et 19. lib. 3. sol. et 4. den. et 1. obolum sterlingorum, qui in Chipotensibus, videlicet octo pro uno sterlingo computatis, etc.

Rursum occurrit ibid. pag. 93. 113. 374. etc.

P. Carpentier, 1766.

◊ Inquisit. MS. ann. 1307. 1. Maii :

Et facta inquesta, .... omnibus summis ad unam redactis, dictas ducentas libras Chapotenses ad valorem parvorum bonorum Turonensium reducentes, centum sexaginta libras parvorum Turon. bonorum, etc.