2. CISA, pro Sisa vel Assisa, Impositio, præstatio tributi, quod in publicis assisiis statuatur, sic dicta, Sisa, Hispanis. Charta Jacobi II. reg. Aragon. ann. 1291 :

Item quod elapso prædicto tempore et etiam ante, scilicet incontinenti cum pax firma et secura, vel treugua quinque annorum vel plurium fieret inter nos et dictos inimicos nostros, quod prædicta Cisa, et ordinatio et perceptio et solutio ipsius, sit cassa et vana et penitus revocata, et cesset de cetero ipso facto, ita quod deinceps... non teneamini ad dandum vel solvendum unquam Cisam superius ordinatam,... salvo quod si ordinatores et distributores dictæ Cisæ manulevarint aliquid super ea, de consilio qui sunt in hac curia,... quod dicta Cisa duret quousque dicta manulevata esset soluta.

Lit. ann. 1362. inter Probat. tom. 2. Hist. Nem. pag. 264. col. 1 :

Eisdem sindico et universitati concessimus,... ut ipsi possint et valeant... imponere et indicere in dicto loco S. Saturnini Cisam, impositionem, vel barragium, de quo ipsi, una cum majori et saniori parte populi dicti loci convenerunt, etc.

Vide Assisa et Sisa.