« »
 
[]« Civada » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 345c. http://ducange.enc.sorbonne.fr/CIVADA
CIVADA, Civata, Hordeum, vel avena, illa præsertim quæ domino feudi penditur ; Occitanis Cibado, sibado : Hispanis Cevada, in Foris Beneharn. Sibada, Rubr. 1. art. 20. Academicis Cruscanis, Civata, dicitur Legume d'ogni sorte. Charta ann. 1232. in Regesto Chartarum Comitatus Tolosæ in Camera Computor. Paris. fol. 28 :
Habeatis vos et successores vestri singulis annis in messibus quarterium unum frumenti et alteram Civatæ, pro alberga et bladada.
Regestum Comitatus Bigorrensis :
Civatam bis in anno liberi Militibus vicinii conferent, alteram in tempore milii, armigeris autem nunquam.
Charta Willelmi D. de Montepessulano ann. 1103 :
Vicarius pro eo manducabit in uno de albergis illis, et habebit Civadam equo suo.
Male Cinadam, apud D. Brussel tom. 2. de Feudorum usu pag. 727. Annal. Benedict. tom. 4. pag. 53. n. 8 :
Debebat reddere ... quinque modios Civadæ.
Tabular. Conchense in Ruthenis cap. 97 :
Duo sestaria de Civada.
Informatio de juribus Curiæ Regalis in loco Auseto ann. 1354. e Camera Computorum Provinciæ :
Item habet ibi diversa servitia bladi, videlicet annonæ sesteria 12. et Civatæ sesteria 12.
Provincialibus Civado, avena dicitur, non hordeum. Historia expugnatæ Minoricæ edita a Michaele Carbonello :
Reposaren per refrescar, e donar Civada als cavalls, etc.
Adde Bibliothecam Sebusianam Centur. 2. cap. 51. Gassendum in Notitia Eccl. Diniensis pag. 83. Foros Bigorrenses art. 14. et Columbum in Manuasca lib. 2. n. 59. De vocis etymo, vide Conjecturas Sebastian. Corbarruviæ, et Oct. Ferrarii.
P. Carpentier, 1766.
◊ Avenam potissimum hac voce significari plurima probant ; forte quod cibus sit equorum, sic appellata. Stat. Avenion. ann. 1243. cap. 150. ex Cod. reg. 4659 :
Statuimus quod quicumque bestiam vel bestias conduxerit certa mercede, et prædictam bestiam vel bestias tanto tempore tenuerit, quod sit pulsata campana, teneatur dare Civatam illius noctis, ad minus tertiam partem eminæ, conductæ bestiæ vel bestiis conductis.
Occurrit præterea in Testam. Romei de Villanova ann. 1250. Vide Sivada.
Civadagium, Præstatio in avenis. Charta Occitanica ann. 1312. in 48. Regesto [] Philip. Pulcri Reg. Franc. num. 29 :
Item obtulerunt medietatem Civadagii,... quæ medietas potest ascendere usque ad 40. sextaria avenæ ad mensuram de Lautricho annis singulis.
Civaderium, Mensura frumentaria, quam Valentinenses et Vivarienses vocitant Civier. Inventar. Piquet n. 18. cap. 41. de Volta fol. 15. in Archivo Principis de Rohan :
Item quinque cartas et duo Civaderia cum dimidio frumenti, duo vasa, etc.
Ibidem fol. 14 :
Item unum cestarium et duo Civaderia cum dimidio frumenti, quos serviunt dicti hæredes.
Occurrit ibi pluries.
P. Carpentier, 1766.
◊ Et Civaier, eadem quæ Delphinatibus Coisse dicitur ; sextarii pars decima sexta, interdum et octava. Charta ann. 1305. in Reg. 37. Chartoph. reg. ch. 98 :
Item tres Civaderias et tertiam partem unius Civaderii avenæ censuales ; et faciunt sexdecim Civaderii sextarium.
Alia ann. 1430. in Tabular. S. Vict. Massil. :
Octava sive Civaderium civatæ pro animalibus, cum feno et palea. Civadier,
in Instr. ann. 1564. ex schedis Pr. de Mazaugues :
La charge, le cestier, la cartiere et le Civadier.
les Bénédictins de St. Maur, 1733–1736.
Civaderius, Idem. Recognitiones et denominationes factæ Domino de Levis de Vendatour in Thesauro Chartarum ejusdem Principis de Rohan n. 18. cap. 41. de Volta fol. 12 :
Primo duos Civaderios cum dimidio frumenti, etc. Item sex Civaderios frumenti, quos servit Stephanus Ganelli.
les Bénédictins de St. Maur, 1733–1736.
Civaderius, Cui cura est emendæ vel distribuendæ equis Civadæ seu avenæ. Leges Palatinæ Jacobi II. Regis Majoric. inter Acta SS. Junii tom. 3. pag. xi :
Expedit per quosdam Officiales nostræ curiæ, videlicet Emptores victualium et Apothecarium ac Zemblerium... necnon et Civaderium et Falconerium, illum qui emerit necessaria avibus nostris, administrationis suæ rationem reddi.
© École des chartes.