« »
 
CLAMATIO 1, CLAMATIO 2, CLAMEUM.
[]« 1 clamatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 350b. http://ducange.enc.sorbonne.fr/CLAMATIO1
1. CLAMATIO, Accusatio in Monasteriis usitata, de qua jam satis in Clamare. Antiquæ Consuetud. Canonicorum S. Jacobi de Monte-Forti tom. 4. Anecdot. Marten. col. 1218 :
Deinde fiant Clamationes, si faciendæ sunt. Qui autem clamat non quærat circuitiones in Clamatione, sed aperte dicat : Ille hoc fecit, et qui clamatus fuerit... eat petere veniam.
© École des chartes.
[]« 2 clamatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 350b. http://ducange.enc.sorbonne.fr/CLAMATIO2
2. CLAMATIO, Promulgatio. Ludewig. tom. 4. Reliq. MSS. pag. 202. ex Diplomat. Garstensi :
Ter in anno, id est, bis tempore graminis, semel tempore fœni placitum suum debet habere, et hoc de Clamatione vel notificatione illius præconis.
Vide Clameum.
© École des chartes.
[]« Clameum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 350c. http://ducange.enc.sorbonne.fr/CLAMEUM
CLAMEUM, Clamantia, Clamatio, Clamor, Anglis Claime, Practicis nostris Clain, Calumnia, seu actio, quam quis intentat ad recuperandam proprietatem vel possessionem rei suæ quam alius ei abstulit. Regiam Majestatem lib. 1. cap. 9. § 1 :
Utroque litigantium in curia præsente et petente, Clameum suum faciente, super injusto deforciamento terræ, etc.
Cap. 10 :
Petens Clameum suum, querelam in hunc modum ostendat et faciat.
Matthæus Paris ann. 1240 :
De Clameo suo prosequendo.
Thom. Walsinghamus ann. 1354 :
Si Rex Angliæ totum jus et Clameum, quibus regnum Franciæ vendicabat, Regi Francorum remitteret.
Vide Monast. Anglic. tom. 1. pag. 48. et supra vocem Clama, et infra Clamum.
P. Carpentier, 1766.
◊ Clam, in Assis. Hieros. cap. 28 :
Qui se veaut clamer d'ome, qui n'est présent en la court, celui qui veaut le Clam faire, etc.
Si tamen bene editum est.
les Bénédictins de St. Maur, 1733–1736.
Claimum, Eadem notione. Madox Formulare Anglic. pag. 179 :
Ego Ingeram de Dumar concessi et dedi sibi et hæredibus suis unam virgatam terræ in Otheselvia, quam tenuit Baldewinus le Gropere, pro Claimo et jure quod clamavit.
Clameum Continuum, Anglis, est quædam continua, id est annalis, feudi simplicis aut talliati, de quo quis disseisitus est, et cujus possessionem recuperare ob metum potentis adversarii non audet, vendicatio, quasi vindicis causa, ut sic tandem metu amoto, hæredem disseisitoris æque possit sua auctoritate a possessione removere, ac si recenter spoliatus fuisset. Cowell.
Retroclamum. Curia Generalis Catalaniæ in Villa Perpiniani sub Petro Rege Arag. ann. 1351 :
Absque Retroclamo, vel requisitione.
Clamantia, Eadem notione. Charta Edw. II. Regis Angliæ in Monastico Anglic. tom. 2 :
Concessionem etiam remissionem, et quietam Clamanciam, quas... fecit Abbati... de omni eo quod habuit, vel aliquo jure habere potuit in villa, etc.
Occurrit [] ibi pluries, et apud Th. Madox Formul. Anglic. pag. 205. Rymer. tom. 2. pag. 420. et in Libro nigro Scaccarii pag. 373. etc.
Clamatio, pari significatu. Matth. Westmonast. ann. 1189 :
Et pro hac redemptione castrorum et quieta Clamatione fidelitatis et ligantiæ de Regno Scotiæ... dedit, etc.
Charta Edw. II. Regis Angl. tom. 2. Monastici :
Concessionem etiam, remissionem, et quietam Clamationem quas Aleonora... fecit eidem Abbati, etc.
© École des chartes.