CLAMODICUS. Capitula Caroli C. tit. 39. § 3. ap. Carisiac. ann. 873. :

De illis liberis hominibus, qui infames, vel Clamodici sunt de testeiis, vel latrociniis et rapacitatibus, etc.

Ubi Sirmondo Clamodicus, dicitur qui magnam habet infamiam, qui gravi criminis alicujus infamia laborat, de quo clamores dicuntur et feruntur, qui ab omnibus accusatur. Sed puto Clamodicum hic appellari, qui in judicio clamatur seu accusatur de crimine, quod sequentia videntur innuere.