« »
 
[]« Claperia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 353a. http://ducange.enc.sorbonne.fr/CLAPERIA
CLAPERIA, ut mox Claperius. Charta Bernardi de Turre ann. 1308. apud Baluz. tom. 2. Hist. Arvern. pag. 783 :
Possint dicti homines capere in vineis suis et vicinorum suorum lepores et cuniculos, non faciendo Claperias seu garenas, etc.
les Bénédictins de St. Maur, 1733–1736.
Claperium. Charta Caroli II. Regis Siciliæ ann. 1289. ex Schedis Præsidis de Mazaugues :
Territorium de Layncello durare et protendi usque ad fines infra scriptos, videlicet usque ad summitatem campi Hugonis, ubi et Claperium manufactum, et protenditur versus S. Michaelem.
Charta ann. 1246. ex parvo Chartulario S. Victoris Massil. fol. 188 :
Claperium, quod est intus curiam veterem.
Histor. Episcoporum Altissiod. apud Labbeum de Aymerico :
Hic primus construxit Claperia cuniculorum Regennis in garenna.
Claperius, Hara cunicularia, ubi nutriuntur cuniculi et multiplicantur, Gall. Clapier. Charta Philippi Regis Franc. ann. 1310. pro libertatibus Bastidæ in Petragoricis in 47. Regesto Tabularii Regii num. 38 :
Item liceat cuicumque habitatori dictæ bastidæ loca sua propria explectare, et ibi columberia, pisqueria, et Claperios pro cirogrissis (sic) facere, dum tamen jura dominorum a quibus tenentur ipsa loca, in aliquo non fraudentur.
Charta ann. 1212. ex Archivo S. Victoris Massil. Diœces. Forojul. n. 62 :
Pars vineæ ex parte Claperii.
Altera ann. 1037. ibid. n. 30 :
Hoc est de balma, sicut vadit via ad S. Petrum, et sunt Claperii.
Acta de terminis territorii Massil. ex Archivo ejusdem urbis, ann. 1278 :
Quem lapidem sive queirrinum pro termino antiquo concorditer confirmaverunt, ita quod dictus Claperius remanens a parte Orientis et dictus violus in medio dicti Claperii, etc.
P. Carpentier, 1766.
◊ Stat. Auxit. MSS. art. 35 :
Item est consuetudo ibidem, quod quicumque piscatur[] seu venatur in piscariis, stagnis, Claperiis, devesiis et columbariis contra voluntatem dominorum quorum sunt, quod tenetur solvere, etc.
Hinc Clapoire et Clappier dictum a nostris Lupanar. Lit. remiss. ann. 1398. in Reg. 153. Chartoph. reg. ch. 222 :
Ledit Ogier aiant pendu un bazelaire..... à sa sainture et un planchon en sa main,..... disant qu'il estoit temps que le Clapoire feust effondrée.
Aliæ ann. 1424. ex Reg. 173. ch. 130 :
Clappier et bordel publique, etc.
◊ Vox orta a Clapa, instrumento seu machina qua capiuntur cuniculi. Glossæ MSS. Reg. Cod. 2062 : Ποδοϰάϰη, τὸ ἐν εἰρϰτῇ ξύλον ὅπερ ϰλάπα λέγεται ϰαρτζιϰοῦ.
les Bénédictins de St. Maur, 1733–1736.
◊ Quidam Claperium deducunt a ϰλέπτειν, Furari, quia quasi furtim subducuntur cuniculi, dum confugiunt ad Claperios. Menagius post Labbeum a Lepus ; unde Lapus, inquiunt, Lapinus, (Gall. Lapin) Lapinarium, Lapiarium, Clapiarium, Gall. Clapier, Nonne felicius Illustriss. Præses de Mazaugues a Lapis ? Certe huic etymo favet ipsa Claperii notio ; non enim solum haram cuniculariam significat, sed etiam acervum lapidum, quem usque hodie Clapié de peyre nuncupant Provinciales ; hacque notione vox Claperius accipienda est in quibusdam instrumentis. Quoniam vero in acervos lapidum frequenter sese recipiunt cuniculi, hinc forte ad eorum haras significandas vox Claperius usurpata.
Claterium, Eadem notione. Tabular. Fossatense :
Et quod habeamus in toto territorio dictæ villæ, garranam perpetuo, in qua non possint venari nisi ad lepores cum cane,..... et fecit ibi fieri Abbas multa Clateria ad opus cuniculorum.
Puto mendum esse amanuensis, qui perperam scripserit Clateria pro Claperia.
© École des chartes.