CLAUSTURA, ex Gallico, Closture, Septum, inclusio. Will. Thorn. in Chron. ann. 1363 :

Pro fossatura et Claustura civitatis.

Claustura muri, in Charta Willelmi Abbatis de Coiken ann. 1220. ex Archivo S. Michaelis in Periculo maris. Litteræ A. Episcopi Meldensis anno 1204. ex Tabulario Calensi pag. 81 :

Noverint universi, quod E. Kalensis Abbatissa totusque ejusdem Ecclesiæ Conventus quoddam herberiagium, quod habere solebant, contiguum Ecclesiæ de Mintri, totum integre sicut illi possidebant, videlicet quidquid ædificatum vel non ædificatum infra Clausturam prædicti herberiagii continebatur Fulconi Presbytero de Mintri possidendum concesserunt.

Fit mentio cujusdam tributi quod Clausturæ appellant, in Computo domanii Comitatus Pontivi ann. 1540. fol. 183 :

Recepte du droit de Closture, que le Roy a accoustumé de prendre chascun an à Moustiers, neant, pour ce que durant l'année de ce present compte n'a eu aucunes bestes vendues audit lieu.

Vide Clostura.