CLAVARIA, Glossarium mediae et infimae latinitatis, Du Cange et al.

« Clavaria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 357b. http://ducange.enc.sorbonne.fr/CLAVARIA

CLAVARIA, Munus Clavarii ; Locus ubi Clavarius reponebat omnia ad Clavariam spectantia. Districtus etiam in Occitania præsertim, ubi Senescalliæ in Vicarias, Vicariæ dividebantur in Clavarias. In his Clavarii colligebant redditus domanii regii, de quibus rationem reddebant vel Senescallo, vel totius Senescalliæ Receptori, ut videre est in pluribus computis in Camera Comput. Paris. asservatis. Vide Clavarius.

P. Carpentier, 1766.

◊ Declarat. Renati reg. ann. 1462. ex Tabul. reg. Aquens. :

Tout ce que trouverés par nous ou nos predécesseurs avoir été baillé, transporté et aliené, faites-le réunir et remettre aux receptes et Clavairies ordinaires, en chargeant les Clavaires d'en faire recepte et entrée doresnavant, comme par le passé a esté accoustumé de faire.

Quo etiam nomine regesta, in quibus descriptæ erant ejusmodi exactiones et tributa, simul et eorumdem rationes passim appellantur in Chartis Provincialibus. Hinc

P. Carpentier, 1766.

Clavariæ Jus, Vectigal, quod pro mercibus in regesta inscribendis pensitabatur, idem quod supra Cartularium 2. Lit. ann. 1363. tom. 4. Ordinat. reg. Franc. pag. 240 :

Offerentes se daturos domino regi unum denarium pro libra de valore seu precio mercaturarum suarum... Nos... prædictis mercatoribus concessimus auctoritate regia qua fungimur in hac parte, ut dictas mercaturas, quas per terram portare consueverant super muletos, pro obviandis periculis dictorum latronum, possint et valeant per aquam ad dictum locum de Latis portare et exonerare, ac in eodem onerare pro portando apud Montempessulanum, solvendo jura Clavariæ, quæ solverunt (solvissent) si in loco Aquarum-Mortuarum exoneratæ extitissent.