CLAVIGER 1, Glossarium mediae et infimae latinitatis, Du Cange et al.

« 1 claviger » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 360b. http://ducange.enc.sorbonne.fr/CLAVIGER1

1. CLAVIGER, S. Petrus, cui ecclesiæ claves commissit Christus. Domnizo lib. 1. de Vita Mathildis cap. 1 :

Clavigeri Petri normam sancti quoque cleri
Semper amaverunt.

Apud Cummeanum Hibernum de Controversia Paschali dicitur S. Petrus Clavicularis. Vide Clavicularius.

Claviger, Idem etiam qui Archiclavis, Ecclesiæ Thesaurarius : dignitas Ecclesiastica. Chartam Tabularii Burguliensis ann. 975. subscribit apud Beslium pag. 292 :

Savaricus B. Hilarii Claviger.

Monasticon Anglic. tom. 1. pag. 184 :

Alter Willelmus Wallingford Clavigeratus.

Id est, officio Clavigeri functus. Adde Histor. Abbatiæ Condomensis pag. 505. et Formulare Anglic. Thomæ Madox pag. 132.

Claviger, in Charta ann. 1335. apud Schefferum ad Chronicon Upsaliense pag. 160. idem qui Custos :

Halvardus Claviger sive Custos Ecclesiæ Upsaliensis, etc.

Claviger. Fori Oscæ Jacobi I. Regis Aragon. anno 1247. fol. 3 :

Omnis villa in qua Rex habet Clavigerum, est sedes, etc.

Ottoboni Scribæ Annal. Genuenses ad ann. 1189 :

Isti Consules habuerunt octo Clavigeros.

An Thesaurarii ?

Clavigeri. Ita appellantur Richardo de S. Germano in Chron. ann. 1229. qui a parte Gregorii PP. contra Fridericum II. Imp. stabant, quod effictæ essent claves in Pontificiis vexillis.

Clavigerii. Charta fundationis Hospitalis Montisbrusonis in Foresio :

Insuper præcipimus omnibus Vicariis et Clavigeriis nostris, etc.

Vide Clavarius.