CLIENCULUS, quasi Clientulus, diminutivum vocis Cliens, Gall. Client. Qui causam suam patrono committit. Conc. Trevir. ann. 1310. tom. 4. Anecd. Marten. col. 227 :

Si vero (Advocatus) per cavillationes et malitias suas adversario Advocato justam causam abstulit... vel falsum testem instruendo, vel Clienculum suum ad vera neganda inducendo, vel litem ex industria protrahendo et similia ; tunc in solidum illi ad verum interesse tenentur. Quod si propter ejus negligentiam vel ignorantiam Clienculus suus causam amiserit, tenetur illi non solum salarium extortum, verum etiam damnum litis restituere.