CLIQUETUM, vel Cliquetus, Matutina campanæ pulsatio, nostris Cliquet ; serotina vero Ignitegium, Gall. Couvrefeu. Stat. colleg. Longobard. MSS. ann. 1392 :

Jurabit (prior) quod omni die in ignitegio S. Benedicti firmabit portas domus cum clave,.... ac de mane in Cliqueto seu signo S. Jacobi aperire teneatur per se vel per alium. At nulli post illam horam ignitegii S. Benedicti vel ante Cliquetum aperire teneatur ullomodo.

Quæ Gallice sic redduntur in Arest. parlam. Paris. 21. Dec. ann. 1481 :

Les portes d'icellui college seront fermées au coup du queuvrefeu... S. Benoist, et ouvertes au matin au Cliquet et son de la cloche des Jacobins.

Stat. colleg. March. ann. 1423. fol. 13 :

Littera an. 1417. sigillis prioris et conventus monasterii fratrum ordinis B. M. de Monte Carmelo sigillata, in qua obligantur quolibet die, hora Cliqueti, celebrare unam missam.

Stat. colleg. mag. Gervas. ex Bibl. reg. cap. 9. fol. 22. v°. :

Presbyter ebdomadarius unam missam omni die cito post primum Cliquetum seu pulsum S. Jacobi celebrabit.

Est etiam certa pulsandi ratio. Stat. MSS. eccl. Tull. in unum collecta ann. 1497. fol. 8. r°. :

Capitulum vero semper pulsatur cum prima campana sincopatim cum modicis intervallis, et in fine cum multiplicatione Cliquetorum, ut omnes festinent venire, qui in eo vocem habent.

Vide supra Clingere 2. Cliquet vero, Instrumentum est piscatorium, in Stat. ann. 1326. ex Reg. B. 2. Cam. Comput. Paris. fol. 32. r°. Ejusdem præterea mentio fit tom. 1. Ordinat. reg. Franc. pag. 793. art. 4. tom. 7. pag. 779. art. 47. et tom. 8. pag. 535. art. 72. ubi Clinquet perperam legitur.