COÆQUATOR, Qui ex officio mensuras et pondera coæquat seu ad archetypum confert. Lit. ann. 1376. tom. 7. Ordinat. reg. Franc. pag. 69. art. 5 :

Fuit actum et expresse conventum inter dictas partes, ut supra, quod mensuræ et pondera quæcumque dicti loci de Paulhe per reparatorem et Coequatorem mensurarum et ponderum de Competro bene et fideliter adrechurentur, Coequentur et signo consulatus de Competro, ad tollendum omnem suspicionem signentur.

Ita legendum pro Cocquatorem et Cocquentur.