COHERCIO, Cohertio, pro Coertio vel Coercitio, Jus coercendi seu cogendi et in delinquentes animadvertendi. Charta Pariagii Philippi Franc. Regis cum Episcopo Mimatensi ann. 1306. in Tabulario ejusd. Episcopi :

Ad nos pertinet pleno jure quoad majorem jurisdictionem et Cohertionem et districtum temporalem.

Compromissum Henrici III. Angl. Regis, etc. ann. 1240. apud Rymer. tom. 1. pag. 390. col. 1 :

Cohertioni et jurisdictioni Domini Cantuariensis Archiep... se partes prædictæ summiserunt.

Charta ejusdem Henrici ann. 1255. apud eumd. Rymer. tom. 1. pag. 566. col. 2 :

Subjicientes nos Cohercioni Domini Papæ, ut si contra prædicta in aliquo, quod absit, veniamus, ipse per censuram ecclesiasticam, absque strepitu, nos ad plenam præmissorum observationem compellat. Cohertionis canonicæ potestas

in Commissione Episcopi Cantuar. ad inquirendum de damnis in Wallia Ecclesiæ illatis, apud eumd. Rymerum tom. 2. pag. 279. Cohertio banni, id est, coactio vel compulsio delinquentis ad bannum seu mulctam impositam exsolvendam, in Pacto Regis Arragoniæ cum Berengario Magalonæ Episcopo ann. 1272. Cohercion, in Concordia facta inter Cœlestinos Avenion. et Comitem Luxemburg. apud Acher. tom. 9. Spicil. pag. 300 :

Et quant à ce nous obligeons et soubmettons à la jurisdiction et Cohercion de nostre S. P. le Pape, du Roy nostre Sire, et de toutes autres, et Cohercions tous les biens temporels de nostredite Eglise presens et à venir. Cohertioni

fere adjungitur Jurisdictio, quoniam, ut ait Paulus l. fin. ff. de Off. ejus cui mand. jurisdict. :

Jurisdictio sine modica Coerctione nulla est.