COHORTALES, Cohortalini, Curtalini, dicti primum Officiales Præfecti prætorio, ut docet lex 1. Cod. Th. de Cohortal. (8, 4.) et lex 4. eodem Cod. de Diversis offic. (8, 7.) Glossæ veteres :

Cohortalinus, Θυρωρὸς τοῦ πραιτωρίου.

Postmodum Rectorum provinciarum Officiales ita appellati :

Apparitores Cohortales

, in l. ult. de Cohort. Cohortalis militia, l. 1. hoc tit. Cohortalini, l. 26. 28. hoc tit. de quibus plene eodem titulo. Marcianus Imperat. in Edicto contra Eutychen parte 3. Concilii Calched. cap. 12 :

Ἄλλ᾽ οὐδεμίαν μετιέναι στρατείαν ἀνεχόμεθα, εἰ μή τι ἂρα τὴν τῶν Κορταλίνων, ἢ τῶν Λιμητανέων. ϓπασπισταὶ τῆς ϰόρτης,

Auctori Vitæ S. Georgii Episcopi Amastreni num. 29. Notitia Imperii pag. 107. 182 :

Ab actis, Subadjuvam, Exceptores, et reliquos Cohortalinos, quibus non licet ad aliam transire militiam sine annotatione clementiæ principalis.

Horum etiam mentio in Novellis Theodosii Imp. Paulinus Epist. 7. ad Severum :

Nos adeant et revisant conservuli et campallidi nostri, non vestibus pictis superbi, sed horrentibus ciliciis humiles, nec chlamyde Curtalini, sed sagulis palliati.

Chlamys autem propria erat militum. Sic porro appellatos videtur innuere Paulinus, quod in Curti Præfectorum militarent, hoc est in Prætorio, vel Palatio. His præerat Κόμης τῆς ϰόρτης, de quo Continuator Theophanis lib. 1. num. 3. 4. et Glossæ Bassil. in V. Δομέστιϰος.