COLAZUS, Collazus, Hisp. Collazo, vox in veteri Castella et in quibusdam Andalusiæ partibus nota, ex Academ. Hispan. Diction. qua significant famulum, cui ad certum tempus agros suos colendos tradunt, cum quadam eorumdem ipsis assignata portione, puta decima ; idem proinde atque colonus. Hinc pro modo agri qui sic colitur et aratur, interdum adhibita, ut Cultura. Vide ibi. Charta Alvar. Diaz ann. 1107. inter Probat. tom. 1. Annal. Præmonstr. col. 392 :

Cum quantum ad nos ibi pertinet videlicet Colazos, solares populatos, terras, vineas.... Cum Colazos, solares populatos, et non populatos, terras, etc.

Alia ann. 1162. ibid. col. 703 :

Similiter dono.... unum Collazum in Vegonia, alium Collazum in Arratia,... alium Collazum in Guernicaz.

Vide supra Colacium.