1. COLERIUM, Colerius, Collare, Gall. Collier, Ornamentum colli. Testamentum Michaelis de Creneio Autissiod. Episc. ex Regesto Capituli Autissiod. ann. 1409. S. Martii :

Item Colerium operatum de eodem panno.

Inventar. Eccles. Noviom. ann. 1419 :

Item duo Colerii novi de eodem panno serico.

Occurrit iterum ibidem, ut et Colerium aliquoties : semper pro Ornamento ecclesiastico, de quo jam in Colarium ; sed pro Ornamento regio vel equestri sumitur in Charta Henrici IV. Angl. Regis apud Rymer. tom. 8. pag. 569. col. 1 :

Jocale, videlicet, quoddam Colerium aureum, cum uno monili pendente per Colerium prædictum.

Et tom. 10. pag. 433. col. 2. in Charta Henrici VI. :

Tria Coleria aurea, quorum duo sunt anamelata cum albo ad deliberandum Domino de Mantua :

ac tandem pro Collari equi vectarii in Charta Henrici V. de Bigariis capiendis tom. 9. pag. 261. col. 1 :

Assignavimus te,... ad sexaginta bigarios... cum Coleriis, hamys, capistribus.

Vide Colerum.