COMITIARI, Colloqui, conversari cum aliquo. Isidor. in Gloss. : Comitare, loqui in Conventu, eundo, redeundo, ambulando ; forte Comitiare, ut habent Excerpta Pithœana. Ducta autem metaphora ab iis, qui Comitiis publicis interesse solent. Guillelmus Bibliothecarius in Vita Paschal. II. PP :

Comitiari cum excommunicatis, Rex, nosti nos non debere, nec posse, eo maxime, cum Comitiis tuis interesse non liceat, dum contingat abesse, qui omnium nostrum debuit interfuisse primus ;

ubi Comitium est colloquium. Vide Salmasium ad Tertulliani pallium pag. 388.