COMMISSIO 1, Glossarium mediae et infimae latinitatis, Du Cange et al.

« 1 commissio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 449a. http://ducange.enc.sorbonne.fr/COMMISSIO1

1. COMMISSIO, Legatum negotium, mandata rei alicujus provincia, Gal. Commission. Epist. Principis Palatini ad Carolum VIII. Galliæ Regem apud Ludewig. tom. 6. Reliq. MSS. ann. 1497 :

Post tardum ipsius adventum ad dictam Dietam, admissa excusatione de sua adversa valetudine, de predicte pensionis solutione, ut asserit, non modo Commissionem non habuit ; sed et regia Celsitudo de ea provisione solvenda, nunc scribendo suis litteris mentionem prorsus nullam facit.

P. Carpentier, 1766.

Commissio, Charta ipsa, qua quis ad negotium agendum instituitur, procuratio, Gall. Commission, pouvoir. Inventar. Chart. reg. ann. 1482. fol. 119 :

Processus verbalis dom. de Craon archiepiscopi ducisque Remensis ac paris Franciæ et dom. Johannis le Maingre dom. Bouciquault,... in quo sunt incorporata duo posse sive Commissiones regis Karoli V. tunc regnantis, per quem rex præfatus dabat potestatem dicto archiepiscopo ac Bouciquault tractandi treugas, abstinentiam guerræ, pacem et concordiam inter Johannam ducissam Britanniæ, ...... et Johannem comitem Montisfortis.

2. COMMISSI 2. COMMISSIO © École des chartes.

« 2 commissio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 449a. http://ducange.enc.sorbonne.fr/COMMISSIO2

2. COMMISSIO, Confiscatio, bonorum multatio, Gall. Confiscation. Charta Philippi Regis pro Ecclesia Mimatensi ann. 1306. ex Tabulario ejusdem :

Jure tamen Commissionis et extorrentiæ cujuscumque ad nos nihil proprium de locis communitatis venire poterit, quin nobis et dicto Episcopo absque recompensatione aliqua sit commune.

Pactum ann. 1306. in Hist. Dalphin. tom. 2. pag. 125. col. 2 :

Item promiserunt, ut supradictus Dominus Dalphinus et ejus liberi dicto D. Drodoni, Guidoni et mihi Notario stipulantibus ut supra, se remittere et cedere pro se et suis cum effectu ipsi Rolleto Jus Commissionis et offensæ, si quod habebant in bonis patris sui usque ad præsentem diem ratione feloniæ, etc.

Vide Commissum 2. et Lactamia.

P. Carpentier, 1766.

◊ Charta ann. 1344. in Tabul. Gellon. :

Quod camerarius possit et debeat in ipsis locis et tenemento uti Commissionibus, quoties necesse fuerit, contra quascumque personas, absque licentia abbatis.

les Bénédictins de St. Maur, 1733–1736.

Commissio feudi. Ead. notione. Vide Caducitas feudi.

P. Carpentier, 1766.

Commissio, Practicis nostris Commise, cum scilicet defectu servitiorum feudalium, domino feudum in commissum cadit. Lit. ann. 1409. tom. 9. Ordinat. reg. Franc. pag. 454. art. 86 :

Nec dominus directus aliquam prætendere Commissionem aut laudimium, si per debitorem prædictæ res et jura redimantur, etc.

Vide Commissum 2.

« 3 commissio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 449a. http://ducange.enc.sorbonne.fr/COMMISSIO3

3. COMMISSIO, Commissum, Gall. Délit. Charta ann. 1280 :

Si contingeret quod aliquid committeretur a transeunte seu transeuntibus, nomine vel occasione managii, passagii,...... seu alio modo nomine prædictorum, quod cognitio ipsius Commissionis, tam ad dictum dom. Regem, quam ad dictum Pontium Bremundi debeat pertinere.

Vide infra Commissus 3.

« 4 commissio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 449a. http://ducange.enc.sorbonne.fr/COMMISSIO4

4. COMMISSIO, Immissio. Charta ann. 1431. in Reg. 72. Chartoph. reg. ch. 368 :

Idem procurator dicebat quam plurima yssharta et ignis Commissiones quam plurimas in diversis nemoribus et dumis... eos immisisse et ad novam culturam reduxisse.