1. COMPETERE, Invadere, rapere, pervadere. Concilium Parisiense III. cap. 1 :

Is qui res Dei Competit, etc.

Matisconense II. cap. 24 :

Res Ecclesiæ... quaqua temeritate pervadere, Competere, vel confiscare.

Chlotarii Regis Constitutio cap. 10 :

Ut oblationes defunctorum Ecclesiis deputatæ nullorum Competitionibus auferantur... præcipimus.

Vide Concil. Parisiense V. cap. 9. Capitul. 1. ann. 769. cap. 18. lib. 7. Capitul. cap. 140. etc. Hujus autem vocis notio deducta videtur ab iis qui Competitores dicuntur in leg. 1. Cod. Th. de Quinquen. præscr. (4, 15.) qui bona damnatorum mortuorum, aut proscriptorum vacantia a principe impetrabant, atque pervadebant. Vide tit. de Petitionibus.