COMPROMISSARIUS, Glossarium mediae et infimae latinitatis, Du Cange et al.

« Compromissarius » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 472a. http://ducange.enc.sorbonne.fr/COMPROMISSARIUS

COMPROMISSARIUS, Arbiter ad lites aliasve res definiendas ex Compromisso electus. Charta Comitis Atrebat. ann. 1247. e Tabulario Audomarensi :

Poterunt autem dicti Compromissarii ordinare de portis habendis in claustro Ecclesiæ prædictæ... Ordinabunt dicti Compromissarii prout eis melius videbitur expedire.

Charta Edwardi Regis Angl. ann. 1366. apud Rymer. tom. 6. pag. 511. col. 1 :

Dicti Compromissarii pronunciarunt et ordinarunt contra dictum Bernardum.... Dictusque Bernardus a dictis pronunciatione et ordinatione, ac sasina dictorum Compromissariorum et Locumtenentis, tanquam ab iniquis et injustis, reclamasset et appellasset ad dictum Primogenitum nostrum, seu ejus Curiam, prout in instrumentis Compromissi, etc.

Vide L. 41. D. de recept. qui arbitr. (4, 8.) L. 4. de tutor. et curat. (26, 5.) et Chronicon Parmense ad ann. 1298.

les Bénédictins de St. Maur, 1733–1736.

Compromissarii etiam dicuntur, quibus electio per Compromissum facienda creditur : qua notione legitur in Chronico Mellicensi pag. 459. col. 2. et alibi non semel.