CONCLAVE, Vestiarium, Gardaroba. Matth. Paris. ann. 1245 :

Domini Papæ Camera, quæ Conclave, id est, Guardaroba dicitur.

Sic etiam vocant locum ubi coeunt Cardinales ad eligendum summum Pontificem, qui pluribus describitur in Ceremoniali Romano lib. 1. sect. 1. Papias MS. Bitur. : Conclave, Locus inclusus vel munitus, sive domus quæ multis clauditur cellis, interior cella. In Legibus municip. Mechlinensium tit. 1. art. 38. Conclave dicitur quidquid obseratum est :

Decanus lanificii omnes ædes, ubi lanificium fit, ut sibi recludantur imperare potest, neque licitum est habitatoribus obsequium aperiendi quidquid ibi est Conclavium et obserati, denegare.