CONFERTUM. Glossæ MSS. : Confertum, conlatum, plenum. Item Confertum, comportatum, plenum. Collectio Cano num Martini Bracarensis cap. 61. et Gratianus Dist. 44. c. 12 :

Non liceat Sacerdotibus vel Clericis, sed nec religiosis laicis convivia facere de Confertis.

In MSS. :

Non licet Sacerdotes vel Clericos, sed nec religiosos laicos convivia facere de Confertis.

Atto Episcopus in Capitulari cap. 55. habet Collatis :

Quod non oporteat Sacerdotes aut Clericos ex Collatis, vel comessalibus convivia celebrare.

Hæc autem sumpta sunt ex Concilio Laodic. cap. 54 :

Οὐ δεῖ ἰερατιϰοὺς, ἢ ϰληριϰοὺς ἐϰ συμϐολῆς συμπόσια ἐπιτελεῖν

: ubi Isidorus Mercator,

Ex symbolis, quæ vulgus Commensalia appellat

, vertit. Sunt igitur Conferta, symbolæ, seu Collationes, uti appellantur in Glossis veterib. : Collatio, σύγϰρισις δεἱπνου. Collatio, συνει σφορὰ, συνεισένεξις, συντέλεια. Gloss. Græc. Lat. : Συνεισφέρω, Collationem fero, confero. Συνεισφορά, Collatio. Fertum dixerunt veteres, pro oblatione, ut est apud Isid. lib. 6. cap. 19. Unde Fertores, ferto libantes, in Gloss. Isid.