Conjectus, Contributio, symbolum, collecta : quod quisque in unum confert ad exsolvendam certam pecuniæ summam, vel ad colligendam certam cibariorum quantitatem. Maxime quod a populis Regiis Missis in itinere exsolvebatur. Capitulare tertium Ludovici Pii cap. 9 :

De Comitibus et Vicariis eorum, qui in aliquibus locis tantum accipiunt de Conjectu populi ad minorem legationem, quantum ad majorem.

Cap. 10 :

Volumus ut talem Conjectum Missi nostri accipiant, quando per Missaticum suum perrexerint : hoc est unusquisque accipiat panes 40. friskingas duas, etc.

Annales Francor. Bertiniani ann. 886 :

Juxta quod unusquisque Regni primorum de honoribus habuit Conjectum tam in argento quam et in vino, etc.

Flodoardus lib. 3. Hist. Rem. cap. 19 :

De Conjecto Normannis dando.

Capitula Caroli Magni lib. 3. cap. 35 :

Ut illi qui heribannum solvere debent, Conjectum faciant ad Heribannatorem. Conjecto

respondet Schot, seu Scot, Germanicum et Anglicum. Charta Ludovici Imp. apud Will. Hedam :

Ut nec bannum, aut fredum, aut Conjectum, quod ab ipsis Geschot vocatur, contingere, aut exactare præsumeret.

Codex MS. Irminonis Abbatis Sangerman. fol. 70. col. 1 :

Autlemarus... tenet dimidium mansum servilem... (solvit) pullos iii. ova xv. de Conjecto de annone dimid. modium.

Eodem fol. v°. col. 1 :

Solvit ad hostem denar. vi. et denar. iiii. de capite suo, et dimidium modium de Conjecto, et modium 1. de spelta.

] Br. 13. cap. 64. et 76. bis. Guerard. pag. 143. 145. Br. 13. cap. 99. pag. 149 :

Solvunt de Conjecto de viva annona modios 99. ad forstarium.

Guerardo est Contributio a singulis hominibus ejusdem villæ sive prædii in unum collata. Vide Capit. 5. ann. 803. cap. 17. Capitul. 1. ann. 812. cap. 7. Capitul. 5. ann. 819. cap. 26. Capit. Caroli M. lib. 4. cap. 69. Legem Langob. lib. 3. tit. 1. §. 38. tit. 6. §. 2. 3. Ludov. P. 54. Carol. M. 97. 98. ubi glossa interlin. gaforium. Capitularia Caroli Calvi tit. 5. §. 4. tit. 28. pag. 254. tit. 42. pag. 424. tit. 43. §. 30. ap. Tolos. ann. 844. Edict. in Carisiac. ann. 861. Exact. Nortmann. const. ann. 877. ap. Carisiac. ann. 877. Chartam Dagoberti Regis Franc. apud Browerum lib. 7. Annal. Trevir. pag. 421. i. Edit. aliam Henrici III. apud Meurissium in Episc. Metensib. pag. 359. Analecta Mabillonii tom. 3. pag. 266. in Præcepto Caroli M. Ampliss. Collect. Martenii tom. 1. col. 144. in Præcepto Lotharii ann. 856. Diplomata Belg. Miræi tom. 1. pag. 242. col. 2. in Charta Dagoberti I. Regis Franc. ann. 643.

Conjecta, in Chronico Laurisham. ann. 776.

Geta, pro Conjecta. Observantiæ ad tit. de Muneribus agnoscendis in Foris Aragon. fol. 31. apud Michaelem del Molino in Repertorio pag. 75. v° :

Quando debent facere Getam pro cœna Domini Regis vel Domini infantis, vel pro subsidiis eorumdem, etc.

Occurrit ibi pluries.

Conjectio. Capitulare Sicardi Principis Beneventani cap. 14 :

De tertiatoribus, et Conjectionibus illorum.

Conjectura. Gloss. Lat. Græc. : Conjectura, Στοχασμός, ζημία. Gregorius Turonens. lib. 6. Hist. cap. 45 ;

Nihil de fisco suo Rex dari præcepit, nisi omnia de pauperum Conjecturis

.