CONTRADOS, Idem quod practicis nostris Gain de survie, Quod conjugum superstiti, ratione dotis habita, competit. Testam. Guill. milit. de castro Barco ann. 1319. tom. 3. Col. Ital. diplom. col. 1943 :

Pro solutione mille libras (sic) denariorum Veronensium quas (accepi) in dote et pro omni lucro, seu Contradote suæ (uxoris meæ) dotis.

Stat. Cadubrii pag. 59. cap. 40. cujus titulus est :

De dotibus et Contradotibus, et quis modus debeat observari. Et affirmatum fuit quod in Cadubrio de dotibus et Contradotibus inter virum et uxorem seu eorum hæredes, non obstantibus aliquibus pactis dotalibus in instrumentis dotium contentis, talis ordo, jus et consuetudo deinceps observetur et observari debeat, videlicet si vir seu maritus, durante matrimonio, decederet prius ejus uxore sine legitimis hæredibus ex ipsis descendentibus, quod talis mulier seu uxor de bonis dicti ejus viri integre habere debeat suam dotem ab hæredibus dicti ejus mariti, et libras xv. sol. Pap. pro centenario totius illius, quod fuerit dos prædicta ; et e converso si uxor, etc.

Eadem, quæ pro uxore, statuuntur etiam pro marito. Vide Haltaus. voce Wiederlegung col. 2102. et Mittermaier. Princip. Jur. German. § 393.