CONTRARIETAS, Molestia. Diurnus Romanus cap. 7. tit. 22 :

Neque ullam læsionem aut Contrarietatem malam in ipso Beati Ill. Monasterio... inferre audeat.

Epistola Eugenii III. PP. ad Narbonensem Archiepisc. in Bullario Cluniacensi pag. 57 :

Qui quoddam molendinum antefati Monasterii fregit, et ex eo molestiam et Contrarietatem fratribus ipsius loci contra justitiam inferre præsumit.

Chron. Farfense apud Murator. tom. 2. part. 2. col. 380 :

Liceat nobis proprias Monasterii terras omni tempore defendere atque animalia nostra ad pabulandum mittere absque cujuslibet personæ vel potestatis Contrarietate.

Hic intelligi posset Oppositio ut apud Macrobium de Somno Scipionis lib. 2. cap. 15 :

Nunquam ex duplicatis similibus Contrarietas emergit.

Et cap. 16 :

Nulla est Contrarietas, etc.

Hac notione usurpant Tertul. adv. Hermog. cap. 35. Sidon. lib. 4. Epistola 12. etc.