CONTRASTUM, Eadem notione : item, Prohibitio, impedimentum. Inquisit. ann. 1268. ex schedis Pr. de Mazaugues :

Et tunc invenerunt Contrastum et devetum in dicto territorio a baillonis dom. Barralli, ita quod nullus audebat ire in dictum territorium, nisi emeret pascairagium ab ipsis... Quod si aliquis homo impediret vel faceret Contrastum Artiguæ in herbis, etc.

Charta ann. 1273. ex Tabul. Cantogil. :

De quæstionibus, petitionibus, rancuris et Contrastis, quæ et quas haberent vel facerent, Compromiserunt.

Stat. Massil. lib. 1. cap. 34 :

Quod illi qui haberent Contrastum inter se, debeant ei (pacificatori) ressarcire ambæ partes communiter suum jornale sive damnum.