« »
 
[]« Convenensa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 544a. http://ducange.enc.sorbonne.fr/CONVENENSA
CONVENENSA, Italis Convenenza, ut in Convenanzerius jam dictum est, Conventio, qua candidatis suis Albigenses promittebant sese eis Consolamentum præstituros. Erat hæc veluti secunda initiatio ad profana sectæ mysteria. Prima vocabatur Adoratio, tertia Consolamentum. Adorationis ritum habemus Lib. sentent. Inquisit. Tolosan. pag. 13. et seqq. :
Vidit Hæreticos pluries et in pluribus locis, et adoravit eos, flectendo genua ter, inclinando se profunde coram eis, et dicendo ter, Benedicite.
Ista autem Adoratio iterabatur toties quoties. De Convenensa ibidem his verbis :
Item fecit pactum Hæreticis, quod ipsi vocant la Convenensa, quod reciperetur ab eis in fine suo secundum pessimam eorum consuetudinem.
Similia leguntur pag. 220.
© École des chartes.