Conversari, Eadem notione. Lex Aleman. tit. 15 ;

Monachus qui sub Regula in Monasterio Conversatus fuerit

. S. Bernardus in Apol. de Vita et morib. Relig. cap. 3 :

An forte qui juxta alium ordinem Conversari videor, propterea huic suspectus habeor.

Et cap. 8 :

Sic Patres in Ægypto Conversati sunt ?

Conversatio, Monachismus, vita monachica. Rathbertus Monachus de Casibus S. Galli cap. 5 :

Cum Conversatione habitum mutavit, et tunc demum monachicis indutus vestimentis susceptus.... Abbas est ordinatus.

Epistola Dagoberti Regis in Vita S. Desiderii Cadurc. Episcopi cap. 7 :

Sub habitu sæculari Christi militem agere, ac mores angelicos et sacerdotalem Conversationem habere. Sanctæ Conversationis fundamenta jacere,

apud S. Hieron. in Epist. 8. ad Lætam. Sanctæ Conversationis habitum tradere, apud Gregorium Magnum lib. 2. Dial. cap. 1. In sancta Conversatione permanere, apud Petrum Damian. de Vita S. Romualdi cap. 15. Habitus sanctæ Conversationis, apud eumdem lib. de Perfect. Monachor. cap. 15. Vide Bedam in Vita S. Guthberti cap. 28. Ordericum Vitalem pag. 477. 518. S. Anselmum lib. 1. Epist. 13. etc.

Conversatio, interdum vox generica, pro quorumvis vivendi ratione. Gloss. Lat. Græc. : Conversatio, ἀναστροφή, διαγωγή, βίος. S. Hieronymus lib. 1. in Ruffinum cap. 3 :

Eo quod te dicerent cum sodalibus tuis indigna nomine Christiano de mea Conversatione jactitare.

Adde Epist. 4. 24. S. Valerianus Cemelenensis lib. de Bono disciplinæ :

In hoc solum constat Conversationis nostræ ratio, ut boni simus.

Heitto Episcop. Basileensis in Visione Wettini Monachi Augiensis num. 9 :

Quam terribilem vero sententiam de Conversatione Comitum intulerit, quis enarrare sufficiat ?

Vide Capitul. 2. ann. 811. cap. 1. Capitul. 5. Caroli M. incerti anni cap. 1. 2. etc.

Conversatio, Conversatio Publica, Usus publicus, proprie de moneta, Cours de la monnoie, in Cod. Theod. leg. 1. de Conlat. æris (11, 21.) leg. 2. Si quis pecun. confl. (9, 23.) et leg. 3. de Suariis. (14, 4.)