1. CORAGIUM, Quod ex toto et intimo corde petitur, a Cor, et ago. Ita Joan. de Janua. Ugutio : Coragium, suffragium : et Coragium est virginale signum, vel pompa virginalis, quam solent virgines facere in quibusdam locis contra mortuum, scilicet chorea, et quælibet chorea sic potest dici. Græci χορήγιον, χορηγεῖον, et χοραγεῖον locum vocant, in quo chori et choreæ ducuntur. Gl. Ælfrici : Coragium, medenabergen. Vox meden, puellam et virginem sonat. Sed quid hoc loco bergen velit, mihi non liquet. Vide Corugio. Occurrit vox Choragium, non omnino certæ notionis, in Vita S. Wilfridi cap. 9 :

Utpote præteritæ recolens Choragia vitæ.