CORBITARIA. Legis Rotharis Regis Longobardorum Edit. Heroldi titulus 10. inscribitur de Unegworfin, id est, Corbitaria. Ubi agitur de iis qui viam antestant, vel in via se anteponunt, quod Lex Fresionum vocat

alteri viam contradicere

, quod crimen Germani Straetschenderye dicunt. Sed hic non Corbitaria, sed Chorditaria, vel charditare legendum censet Goldastus in Notis ad Paræneses Tyrolis Regis Scotorum, quod Chorda expansa, vel vimineis cratibus viam clauderent, ac ita homines exspoliarent. Rothar. 26. Murator. ex cod. Ambros. De Vegoveri Arbitraria. In Glossar. Longob. cod. Vatican. num. 5001 : Guecurion, Obitaria qui mulieri vi antesterit. In Cod. Cavensi :

Vehorin, id est Orbitaria.

Fortasse ad radicem Gothic. Arbaidjan pertinet vox, quum in § 5. hujus tituli, al. cap. 29. agatur de eo qui laborem suum vindicaverit. Nescio an huc pertineat vox Corbiere, in Chronico MS. Bertrandi Guesclini :

Bertran le chosi bien emmi une Corbiere.