CHORIUM, Glossarium mediae et infimae latinitatis, Du Cange et al.

« Chorium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 315c. http://ducange.enc.sorbonne.fr/CHORIUM

CHORIUM, chorius, Corium, Gall. Cuir. Reg. episcopat. Nivern. ann. 1287 :

Qui deferunt super humeros Choria de macello, nichil debent.

Charta ann. 1258. tom. 1. Probat. Hist. Brit. col. 969 :

Item de omnibus bestiis, quæ venient ad curiam nostram ad festa annualia cum Choriis, dictus Oliverius potest et debet habere Chorios et eos vendere.

CHORITANUS CHORIZANTIUM Secta © École des chartes.

« Corium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 566b. http://ducange.enc.sorbonne.fr/CORIUM1

CORIUM. Apicius lib. 4. cap. 2 :

Et in patella alterius de trulla refundes cum piperis granis integris, et nucleis spineis, ita ut per singula Coria substernas diploidem in laganum.

Ubi Humelbergius :

Per coria intelligo impensarum in struendo ordines, quemadmodum Vitruvius (lib. 2. cap. 8. lib. 7. cap. 3.) laterum in parietibus struendis ordines Coria etiam vocat, quæ vulgo turba opificum Cursus appellat.

Corium Cervi. Vide Cervicorum.

P. Carpentier, 1766.

◊ Coria cervorum, feno tomentove oppleta, ut verisimile est, in ecclesiis appendebant, uti colligitur ex Charta ann. 1019. tom. 1. Hist. Cassin. pag. 81. col. 2 :

Appendimus in die festivitatis... unum Corium de cervo miræ magnitudinis.

Corium Forisfacere, Ad verbera damnari, vapulare, quæ erat servorum pœna. Leges Inæ Regis West-Saxon. cap. 6 :

Si quis Corium suum forisfaciat, et ad Ecclesiam incurrat, sit ei verberatio condonata.

Corium Perdere, Eadem notione. In Legibus ejusdem Inæ cap. 3. apud Brompton. :

Si servus sine testimonio domini sui operetur, Corium perdat.

Leges Alfredi et Goduini cap. 11 :

Si liber festis diebus operetur, perdat libertatem... servus Corium perdat, vel higildum.

Eadem habentur in Legibus Kanuti cap. 68. et in Legibus Presbyterorum Northumbrensium cap. 40. Lex familiæ Burchardi Episcopi Wormaciensis :

Constituimus ut ei tollantur Corium et capilli.

Infra :

Corium et capillos amittant, perdant, etc.

Apud Burchardum est Cutis detractio.

Corio Carere, Eodem etiam significatu. Leges Kanuti cap. 71 :

Si servus tale quid egerit, careat Corio, vel redimat solutionem Corii pro facti qualitate.

Adde ejusdem Kanuti Leges de Forestis cap. 22. et infra in voce Crinis.

Corium Redimere, Virgas redimere, vel componere de flagello. Lex Frisionum tit. 3. § 4 :

Servus vapulet, nisi dominus ejus 4. solidis Corium ejus Redimere voluerit.

Leges Kanuti cap. 71. supra laudato :

Redimat solutionem Corii.

Corio Componere, Virgis cædi. Leg. Ethelredi cap. 2 :

Si quis jejunium suum infringat, servus Corio suo componat, etc.

In Lege Salica tit. 42. § 2 :

Solidos pro dorso suo reddere.

Pretium Corii sui domino reddere in signum manumissionis, in Legibus Henrici I. Regis Angliæ cap. 78. Vide Hidgilde, et Decorticare.

Corium Tollere et Capillos. Charta Henrici Claudi Imperat. in Chronico Laurishamensi pag. 75. et apud Browerum lib. 3. Antiquit. Fuld. cap. 15 :

Si quis... aliquem servorum S. Bonifacii... vel ejus curtem, sive domum infregerit,... illi qui hujus facti Dux et Princeps fuerit, tollatur Corium et Capilli, et utraque maxilla ferro candenti comburatur, reliqui ejus sequaces cute et capillis priventur.

Vide Capilli, et Decorticare. Grimm. Antiq. Jur. Germ. pag. 702.